Musiqili Teatrda “Fransızsayağı qarnir” tamaşası nümayiş olundu


Azərbaycan Dövlət Musiqili Teatrında Mark Kamolettinin "Fransızsayağı qarnir” iki hissəli musiqili lirik komediyası nümayiş olunub. Millətinsəsi.info xəbər verir ki, "Fransızsayağı qarnir” əsəri ağlasığmaz sevgi oyunlarından bəhs edir. Tamaşa boyu gözlənilməz situasiyalar, biri digərinə açar olan olaylar, sirli, maraqlı hadisələr sürətlə bir-birini əvəz edir. Dövlət Musiqili Teatrının rus bölməsi tərəfindən hazırlanan bu komediya tamaşaçılar tərəfindən hər zaman böyük maraq və sevgi ilə qarşılanıb. Tamaşadakı əsas rollardan birini – Jaklin obrazını bu yaxınlarda 60 yaşı tamam olan və bu münasibətlə milli teatr sahəsindəki uzunmüddətli, səmərəli fəaliyyətinə görə mükafatlandırılan tanınmış aktirsa Marina Litvinenko canlandırıb.

Qeyd edək ki, "Fransızsayağı qarnir” iki hissəli musiqili lirik komediyasının quruluşçu-rejissoru Əməkdar incəsənət xadimi Əsgər Əsgərov, rejissoru Əməkdar artist Boris Qrafkin, quruluşçu-rəssamı Nabat Səmədova, quruluşçu-baletmeysterləri Yelena və Zakir Ağayevlərdir. Tamaşada rolları Əməkdar artist Svetlana Bulax (Suzetta), aktyorlar Emil Heydərov (Robert), Marina Litvinenko (Jaklin), Rauf Babayev (Bernard), Yuliya Heydərova (Suzanna) və Firuz Məmmədov (Corc) ifa ediblər.

Xəbərin vaxtı: 18-10-2016
Oxunma sayı: 119

Loading...

Bu bölməyə aid digər xəbərlər:

         

loading...