Publik hüquqi şəxslər dövlət rüsumu alacaq


Azərbaycanda publik hüquqi şəxslər göstərdikləri xidmətlərə görə dövlət rüsumu tuta biləcəklər.
Millətinsəsi.info Trend-ə istinadən xəbər verir ki, bununla bağlı "Publik hüquqi şəxslər haqqında" qanuna dəyişikliklər edilib.
Dəyişikliklərə əsasən, bəzi publik hüquqi şəxslər göstərdiyi hüquqi xidmətlərə görə dövlət rüsumu ala biləcəklər.

Belə ki, dövlət rüsumu dövlət orqanları tərəfindən hakimiyyət səlahiyyətlərinin icrası zamanı göstərilən hüquqi xidmətlərə görə ödənilən haqdır. Lakin bir sıra publik hüquqi şəxslər ümumdövlət və ictimai əhəmiyyət kəsb edən funksiyalarından irəli gələrək "Dövlət rüsumu haqqında" qanunda nəzərdə tutulmuş xidmətləri göstərirlər. Buna görə də onlar qanunla müəyyən edilmiş qaydada və məbləğdə dövlət rüsumu tuta biləcəklər.

Dəyişikliklərlə publik hüquqi şəxslərə törəmə publik hüquqi şəxs yaratmaq hüququ da verilir. Eyni zamanda, publik hüquqi şəxs nizamnaməsində nəzərdə tutulmuş halda təsərrüfat cəmiyyətləri yarada və ya onlarda iştirak edə bilər.

Qanun layihəsi Milli Məclisin mayın 31-də keçirilən plenar iclasında təsdiq edilib. 

Xəbərin vaxtı: 03-06-2017
Oxunma sayı: 85

Loading...

Bu bölməyə aid digər xəbərlər:

         

loading...